Shamlaji Temple | History and Darshan Timings | Shamlaji Fair Gujarat

Shamlaji temple Gujarat ke Arvalli District me basa hua hindu dharma ka ek bahot hi prakhyat mandir hai . Ye Bhagwan shri Krushna ko samarpit hai . Aur bhi yaha kai hindu Dev Devio ke mandir hai .

Shamlaji

Shamlaji Temple

Shamlaji Mandir Meshvo nadi ke kinare par jungli pahadiyo se gira hua hai jis per safed resham ki dhaja fahrai jati hai . ye Reshmi Safed Dhaja ke karan iss mandir ko Dholidhajawal ke naam se bhi jana jata hai .
Shamla ji mandir bahot hi purana mandir hai aur isko paththaro se tarsaha gaya hai . Iski banavar humare itihas ke karigaro ki bahot hi shresht karigiri ko pradarshit karta hai . Yaha purane kuchh shila lekh bhi paye jaate hai jisse hum humari history me jankh sakte hai . Shamlaji mandir bhagwan Vishnu ya Bhagwan Krishna ko samrpit hai . Yaha darwaje pe mile hue tame ke lekh pe hume likha hua dekhne ko milta hai ke iss mandir ki marmmad ka kam Tintoi Thakur saab ke Dwara kiya gaya tha .

History of Temple

Yaha rahe purane mandir ke khandar purani inte aur paththaro se hume Shamlaji temple ki prachinta ka andaza chal jata hai . Vartman Mandir bhagwan vishnu ya krishnaji ko samarpit hai . Iss mandir ko dekh ke pata chalta hai ki isse Solanki Shaili me banaya gaya hai aur iske kiye gaye renovation ko dekh ke lagta hai ke iss mandir ka renovation karib 500 saal pahele hua hoga . Iss mandir par bhutkal me Jaio ne bhi apan hak darshaya tha . Saalo Pahele Idar state yaha pe Raaj karta tha aur Idar state ne  Modhari ke Raao ko iss mandir ka hak sopa tha . Abhi bhi Modhari ke Raav Shamlaji mandir me trustee ke rup me apna role nibha rahe hai .

Fair at Shamlaji

Karik Mahine ki Sud punam ko yaha shamlaji mele (Fair) ka varshik aayojan kiya jata hai jaha hajaro bhakt Shamalji ke darshan ke liye aate hai . Aur inn dino me yaha sone aur chandi ke gaheno ki bahot hi bade paine me kharid aur bikai hoti hai .